Состојбата на Моника е стабилна

Директорот на Клиничкиот центар во Ниш, докторот Зоран Радовановиќ, утринава изјави дека состојбата на малата Моника Каримановиќ е стабилна.

„По анализите кои беа извршени во текот на ноќта, по консултации со психолог, можеме да кажеме дека состојбата на Моника е стабилна“, рекол доктор Радовановиќ за телевизијата „Прва“.

Тој додал дека се извршени сите анализи и дека најважна информација е дека на Моника ѝ се вратила насмевката. Докторот додал дека сега психолозите треба да одлучат колку време ќе остане Моника во болница.

Моника беше киднапирана пред десет дена, а беше пронајдена вчера попладне селото Пасјача, во напуштена куќа. Полицијата сè уште трага по нејзиниот киднапер Нинослав Јовановиќ, познат како „берберот од Малчан“.

Треба да знаете
Последни објави