Разорните пожари и огромни количини чад во Австралија регистрирани се и од сателитите на илјадници километри над Земјата.
Причината за пожарите во кои досега загинаа 20 луѓе се високите температури и силниот ветер, а експертите веруваат дека тоа се должи на климатските промени предизвикани од човековото однесување, а пред се од неконтролираната емисија на штетни гасови.
Според последните проценки, пожарот во источна Австралија проголта повеќе од 14 милиони хектари земја, уби околу половина милијарда животни и расели стотици илјади луѓе, објави „Бизнис инсајдер”.
Progression of major fires today across NSW #NSWfires pic.twitter.com/KAZ3pW9i8O
— Rob Rogers (@robrfs) November 8, 2019
На фотографии од Вселената може да се види чад на небото од половина од Европа до Нов Зеланд.
Фотографиите се направени преку сателитот на јапонската метеоролошка агенција Химавари-8, што се движи околу истата точка на Земјата на надморска височина од речиси 36.000 километри.
