Директорката на словенечката полиција Татјана Бобнар, објави дека штетата што ја предизвикува економскиот криминал ја чини државата 483 милиони евра. Според неа, полицијата досега постапувала по речиси 8.000 кривични дела поврзани со ваков криминал, јави дописникот на МИА од Љубљана.
Дел од локалните медиуми објавија дека според некои анализи корупцијата и криминалот само во здравството изнесува 140 милиони евра.
Во меѓувреме, според статистичките податоци на Управата за финансии на Словенија, државата минатата година собрала една милијарда евра повеќе данок во споредба со минатата 2018 година, што процентуално изнесува зголемување од 5,7 отсто.
– Доброволната наплата на даноците била над 95 отсто, соопшти од Финансиската управа.
