Иран и САД успеаја да го прекинат кругот на меѓусебни обвинувања за агресија, но нема да има војна меѓу овие земји во блиска иднина, напиша на Фејсбук претседателот на Комитетот за надворешни работи при Советот на Руската Федерација, Константин Косачев.
„Нема да има војна меѓу САД и Иран во блиска иднина, ниту во нуклеарна ниту во конвенционална, ниту во хибридна верзија. Противниците успеаја да застанат на работ на бездната, прекинувајќи го кругот на меѓусебни обвинувања за агресија. Најважно е дека страните на некој начин ги ресетираа барањата откако секоја од страните се сметаше за победник и секоја од нив го задржуваше правото да го има последниот збор и ги најави своите последователни дејствија само како принуден и сразмерен одговор на постапките на непријателот“, истакна Косачев.
Според него, започнува нова игра – кој прв ќе трепне – што е подобра од нови воздушни напади и напади врз амбасадите.
„Посебен дел од оваа игра е нуклеарниот договор, во кој Вашингтон ќе се обиде да внесе нов живот под свои услови, како ништо да не се случило. Сепак, Техеран сега сигурно нема да се откаже од своите услови под никакви околности“, истакна Косачев.
