Портпаролот на иранската влада соопшти дека постапките на британскиот амбасадор се целосно неприфатливи, откако медиумите објавија дека амбасадарот бил приведен во близина на протестите во Техеран, пренесува „Спутник“.
Во саботата беше соопштено дека амбасадорот на Велика Британија во Иран, Роб Мекер, бил кусо притворен за наводно учество во протестите во Техеран.
Претходно, иранскиот заменик-министер за надворешни работи, Сеид Абас Арагчи, изјави дека британскиот амбасадор во земјата кусо време бил уапсен како неидентификуван странец на нелегален протест и бил ослободен 15 минути откако бил идентификуван.
По инцидентот, иранското МНР го повика Мекер. За време на нивната средба со Мекер, иранските дипломати го потсетиле дека присуството на амбасадорите на странски држави на нелегални собири е некомпатибилно со нивните обврски како политички претставници на нивните земји и е во спротивност со Виенската конвенција за дипломатски односи, се вели во соопштението на иранското МНР.
