Македонската ракометна судиска двојка Ѓорѓи Начевски – Славе Николов на 14. Европско првенство кое е во тек добија ангажман да делат правда на вечерашниот меч Австрија – Германија (20.30 ч.) кој се игра во Виена.
Исходот од оваа пресметка во првата група од втората фаза не одлучува дали ќе обезбедат место во полуфиналето двете репрезентации, но ќе им биде значајно на домаќините да го совладаат лутиот ривал за да обезбедат место на олимписките квалификации.
