– Собранието во рамките од денешната работа по дневниот ред на 126-тата седница донесе повеќе предлог-законски решенија меѓу кои и Предлог законот за дополнување на Законот за пензиско и инвалидско осигурување, во прво читање.
Со ова предлог-законско решение се овозможува лица на 65 годишна возраст кои немаат 15 години рботен стаж да можат да направат откуп на стажот и така да остварат право на пензија. Законското решение поднесено од пратениците од ДУИ го поддржа и опозицијата. За Предлог законот се изјаснија 59 пратеници.
