ВМРО-ДПМНЕ преку погрешните политики во здравството ја урниса довербата на граѓаните во здравствениот систем, а денес и како опозиција работи против граѓаните.
Лицемерно е ВМРО-ДПМНЕ да обвинува за постапување на препораки на Светската здравствена организација, кога токму оваа партија во времето кога управуваше со здравството со години ги игнорираше препораките на СЗО и епидемиолозите, што на крајот резултираше со епидемија на морбили.
Денес во отсуство на идеи и програма, ВМРО-ДПМНЕ се обидува да шири неоснована паника меѓу граѓаните.
Граѓаните да бидат спокојни, состојбата е целосно под контрола, во овој момент нема ниту една причина за некаков ризик или паника за корона вирус во нашата држава.
Државата, надлежните институции ги следат препораките од Светската здравствена организација во врска со состојбата со новиот корона вирус.
