Трагично загинатиот поранешен НБА-кошаркар Коби Брајант и популарниот бразилски писател Пауло Коељо работеле на проект за издавње на заедничка книга за деца. По хеликоптерската несерќа во која загина Коби, бразилскиот писател ги избришал записите за книгата која почнале да ја подготвуваат пред неколку месеци, пренесуваат западните медиуми.
Коељо (72) тврди дека тој и Брајант (41) разговарале за овој проект уште од 2016 година, кога петкратниот НБА-шампион со Лос Анџелес Лејкерс се прости од активното играње по 20-годината кариера.
Коељо, како што изјавил се одличил да го прекине проектото бидејќи не сакал да го заврши без својот партнер.
– Го избришав нацртот, оти не гледам никаква смисла во објавувањето книга без него. Тоа не би значело ништо релевантно ни за него, ни за неговото семејство, изјави Коељо, кој живее во Женева и додал: Тоа не значи дека еден ден нема да пишувам за нештата кои ги научив од Коби и за тоа како тој беше човек поголем од животот… Сепак, книга за деца повеќе нема смисла, уште еднаш нагласи тој.
Познатиот бразилски писател, чиишто книги се продадени во десетици милиони примероци ширум светот, рече дека идејата за книгата била – како да се инспирираат децата од загрозени семејства, односно оние од пониските слоеви на општеството, низ спорт да се изборат за своето место во светот.
„Гранити Студиос” на Брајант објави повеќе романи за средношколци и младинци, а 2018 година и неговата автобиографија „Менталитетот на Мамба: Мојата игра“ (The Mamba Mentality: How I Play). „Мамба“ е прекарот на Брајант.
