Авганистански командоси ослободија 62 припадници на безбедносни сили од талибански затвор во северозападната провинција Бадгис, соопшти авганистанското Министерство за одбрана.
Тие биле ослободени од затворот за време на ноќна операција во областа Бала Мургаб, изјави членот за провинцискиот совет Мохамед Насир Назари за ДПА.
По ослободувањето, тие беа однесени во воена база, рече советникот.
Според Министерството за одбрана, за време на операцијата приведени се петмина талибанци, а неколку други загинале или се повредени.
Талибанските милитанти ја контролираат речиси целата област, освен воената база што се снабдува од воздух.
