Швајцарскиот тенисер Роџер Федерер, по поразот од Новак Ѓоковиќ во полуфиналето на Австралија опен, рече дека шансите да го совлада Србинот денеска биле многу мали.
– Да бидам искрен, не мислев дека не можам да играм поради повредата. По четвртфиналето, се обидов да ја одморам ногата и не тренирав. Мислев дека можам да играм денес. Но не беше така. Знаев дека веројатноста да победам беше само три одсто, изјави 38-годишниот тениски ветеран.
Федерер загуби од Ѓоковиќ со 0-3, по сетови 6:7, 4:6 и 3:6 и не успеа да се пласира во финалето на Австралија опен.
