Трофејниот англиски фудбалски великан Манчестер Jунајтед им приреди уште едно разочарување на своите навивачи. Тимот од „Олд Трафорд” вечерва на својот терен одигра само 0:0 против Вулверхемптон во последниот саботен дуел од 25. премиерлигашко коло.
Со биланс девет победи, осум нерешени исходи и осум порази, Манчестер јунајтед во моментов е на шестата позиција на табелата со 35 бода исто колку што има и Вулверхемптон.
Падот на табелата на Јунајтед може да продолжи и утре, доколку Тотенхем кој има 34 бода забележи победа во дербито со Манчестер сити.
Пред Манчестер јунајтед на табелата се: Ливерпул 73 бода, Манчестер сити 51, Лестер 49, Челзи 41 и Шефилд јунајтед 36.
