Дополнителниот заменик министер за земјоделство, шумарство и водостопанство, Цветан Трипуновски обвини дека земјоделците од Арачиново, Стајковци, Брњарци и други скопски села не биле обештетени за невремето од 2016 и 2018 година.
-Денеска се сретнав со земјоделци од Арачиново, Стајковци, Брњарци и други села од скопско. Тие во форма на Иницијативен одбор дојдоа да го искажат својот револт од власта, која 3 години ги лаже и не им ги исплаќа обештетувањата од невремето од 2016 и 2018 година, како и субвенциите за изминативе години. Трајан Димковски и Зоран Заев три години не им ги исплаќаат обештетувањата за штетите кои ги претрпеле од невремето, иако истите имаат уредна документација.
https://www.facebook.com/tripunovskicvetan/posts/1455713534586290?__xts__%5B0%5D=68.ARBmNwHL_WpkOtb1vQnfgu6u0Y5Rqzymu57ocaw4tj9O4lj2R5PoXOXWuw9fKIRGhAXw47vMMR4ZeKcyudJkMFINWqzE_8ql2YGFBEi3iFmdovrjx9Eyb34z3WVw0E_OYxxC3UuGmIS2AG4nww6tcUj9o72t00wCL5z8YqzsS1LlOxkXhKHaum0CRHQvmibgZRmBWdu0serhvfcLcEA3tKxHZIw8btvUuTOEb1fpUhWDPI8DuxqaKfnihrFlGVGlccZJ8mM_DN8CFsJPlgiHpDIW2oz35A1UEsXvWpAtGQxdx61Y0bGUl1gK6NOMUUlZMyGUDFzNSQJa3PPeaSx8kCNHSQ&__tn__=-R
Земјоделците од Арачиново, Стајковци и Брњарци како што ме информираа се лажени од Трајан Димковски во неколку наврати, како и од други претставници од власта, кои ветувале исплата, ама не ја реализирале. Оттука ја повикувам власта, Оливер Спасовски како технички премиер и Трајан Димковски, како МЗШВ веднаш да пристапат кон исплаќање на обештетувањата на земјоделците и субвенциите кои им ги должат. Доколку СДСМ не го стори тоа, ВМРО-ДПМНЕ веднаш по формирањето на владата по 12 април ќе ги исплати сите заостанати обврски кои Зоран Заев со години не ги исплаќал, напиша Трипуновски на Фејсбук.
