Ирската националистичка партија Шин Фејн освои најмногу гласови на парламентарните избори, но тоа не значи дека ќе има и најмногу места во Парламентот.
Поранешното политичко крило на Ирската републиканска армија, освои 24,5 проценти од гласовите, речиси двојно повеќе од претходните избори.
Со овој резултат, Шин Фејн ја претекна партијата на десниот центар Фина Фојл која освои 22, 2 проценти и Фин Гејл, партијата на премиерот Лео Варадкар, која освои 20,9 проценти од гласовите.
Изборните аналитичари оценуваат дека овој резултат претставува сеизмички пресврт во ирската политика.
Две партии на десниот центар, кои речиси 100 години доминираат во ирската политика, Фин Гејл и Фина Фојл, ја отфрлија можноста за коалициска влада со Шин Фејн.
– Би било фер да се каже дека овие избори се историски. Тоа е како револуција во гласачките кутии, изјави лидерката на Шин Фејн, Мери Лу Макдоналд.
Сепак, кога станува збор за бројот на мандати, се чини дека Шин Фејн ќе биде зад најмалку еден од неговите ривали, затоа што не учествуваше во сите изборни единици.
Малку е веројатно дека ќе биде повеќе од помлад партнер во владата.
Во 2016 година беа потребни 10 недели да се формира влада.
