Иднината на тренерот Томас Тухел во редовите на францускиот фудбалски првак Пари Сен Жермен зависи од резултатите на тимот во ЛШ оваа сезона. Ако „светците“ отпаднат од елитното клупско натпреварување пред полуфиналето, голема е веројатноста дека клубот ќе го отпушти и ќе ангажира друг тренер на негово место. Нешто слично се случи во последниве години со Лоран Блан и Унаи Емери.
Доколку германскиот стратег биде отпуштен од ПСЖ, тој веројатно нема да остане долго без ангажман, бидејќи веќе неколку екипи ја следат ситуацијата со неговиот статус во ПСЖ .
Според „Лe10Спорт”, Баерн Минхен сака да го донесе Тухел на „Алијанц арената”. Баварскиот колос се обиде да го однесе 46-годишниот тактичар пред да замине во Пари Сен Жермен пред неколку години, но понудата тогаш дојде премногу доцна.
Друг тим што се интересира за германскиот тренер е Манчестер јунајтед. Ова е малку чудно, бидејќи сегашниот менаџер на „црвените ѓаволи”, Оле Гунар Солскјер, беше човекот кој ги елиминираше Тухел и ПСЖ од Лигата на шампионите минатата сезона. Сепак, Јунајтед има слаба кампања во Премиер лигата оваа сезона и најверојатно ќе се раздели со својот менаџер на крајот од кампањата.
Последниот тим што би сакал да го привлече Тухел е Барселона. Каталонците неодамна го привлекоа Кике Сетиен, но работите не одат добро за тимот. Германецот докажа дека може да се справи со тешките карактери, а можеби и неговото назначување може да помогне да се врати Нејмар на „Камп Ноу”.
