– Во Арсенал, првиот конфликт меѓу тренерот Микел Артета и фудбалер е факт. Се работи за играчот од средниот ред Матео Гендузи, а причината е непозната, информира „Телеграф”.
Тренерот и играчот влегле во расправија уште за време на кампот на Абу Даби. Спорот на фудбалскиот терен преминал дури и во хотелот по тренингот. Откако Арсенал се врати во Лондон, работите не се подобриле и најверојатно се продлабочиле.
Во моментов, Гендузи тренира со младинската екипа на „топџиите” и недостасуваше на последниот натпревар – победа против Њукасл. За време на сезоната досега, 20-годишниот играч од средниот ред има забележано 29 натпревари за англискиот клуб, во кои направи 3 асистенции.
Договорот на Французинот со клубот е до 2022 година.
