Комисијата за здравство во словенечкото Собрание одржува итна седница на кој се разговара за подготвеноста на државата да се справи со евентуалното ширење на новиот коронавирус.
Како што јави дописникот на МИА од Љубљана, седницата е свикан по барање на Словенечката демократска партија.
Во меѓувреме Министерството на надворешни работи објави дека сите словенечки граѓани кои поради новиот коронавирус веќе со недели се во карантина на крузерот Дајмонт Принцес се чувствуваат добро и немаат никакви здравствени проблеми. Ако нема промена на нивната состојба, се очекува веќе утре да бидат евакуирани од бродот.
