Меѓународно признатиот либиски премиер Фајез ал Сераџ изјави денеска дека разговорите за продолжување на мировните преговори ги „надминале” случувањата на терен со постојаното гранатирање на источните фракции кои се обидуваат да го заземат Триполи.
– Прво мора да постои силен сигнал од сите меѓународни играчи кои се обидуваат да разговараат со нас, изјави Серај во Триполи.
Меѓународно признатата влада на Либија по нападот на пристаништето ги прекина преговорите за запирање на огнот под покровителство на Обединетите нации во Женева.
Во соопштението на претседателскиот совет на таа земја се наведува дека либиските сили силно ќе одговорат на напад во соодветен момент.
Силите на либискиот генерал Калифа Хафтар соопштија дека нападнале турски брод со оружје, соопшти Либиската национална армија (ЛНА).
Пристаништето во Триполи остана отворено за увоз на храна и други потреби од моментот кога ЛНА ја започна нивната кампања за освојување на Триполи во април минатата година.
