Продажбата на патнички автомобили во Кина во првите 16 дена од февруари се намали за 92 проценти, според податоците на кинеската Асоцијација на патнички возила (ЦПЦА), бидејќи компаниите низ целата земја се привремено затворени поради епидемија на коронавирус.
Вкупно 4.909 патнички автомобили биле продадени во Кина во првата половина на февруари, што е за 59.930 возила помалку отколку во истиот период претходната година, покажуваат податоците на CPCA.
„Многу малку дилери на автомобили отворија изложбени салони во првите две недели од февруари и бележат многу малку обрт”, се вели во соопштението на здружението.
Кинескиот пазар на автомобили најверојатно ќе забележи пад на продажбата за повеќе од 10 проценти во првата половина на 2020 година и околу 5,0 проценти од година во година заради таа епидемија, под услов епидемијата да се намали ефикасно пред април, според Кинеската асоцијација за автомобили (CAAM).
За да се стабилизира пазарот на автомобили, каде минатата година беа продадени над 25 милиони возила, кинеското Министерство за трговија објави воведување повеќе мерки за поттикнување на набавка на возила.
