Кошаркарите на Милвоки бакс продолжуваат со одличните партии во НБА лигата. Тие ноќеска ја совладаа Филаделфија со убедливи 119:98. Најдобар играч на натпреварот беше Јанис Адетокунбо со 31 поен, 17 скокови и осум асистенции.
По оваа победа Милвоки се зацврсти на првото место во Источната конференција со биланс 48-8 (победи-порази), пред шампионот Торонто кој има ефект 41-15.
По настапот на Ол-стар викендот, Лука Дончиќ доби дополнителни денови за одмор и ноќва не беше дел од својата екипа Далас Маверикс на дуелот против Атланта Хоус. Словенечкиот ас веќе подолг период има проблеми со повредите, а кога тој е надвор од паркетот, Маверикси бележат само лоши резултати. Така беше и ноќва, на дуелот со Атланта. Далас играше одличен натпревар во кој водеше во текот на речиси сите 46 минути, но во самиот финиш потклекна на налетите на домаќините и загуби со минимални 111-107.
Џејмс Харден одигра уште еден натпревар за паметење и на својот тим му донесе убедлива победа на гости кај Јута Џез. Хјустон Рокетс со 110-120 славеше во градот на џезот, а „Брадата“ за нешто помалку од 40 минути игра запиша 38 поени, 5 скока и 7 асистенции. Во редовите на Хјустон одличен беше и Вестбрук со 34 поени, 6 скока и 4 асистенции, додека единствена светла точка кај Јута беше Мичел со 31 поен.
Резултати на другите натпревари од НБА лигата играни ноќта сабота кон недела:
Шарлот – Бруклин 86:115
Чикаго – Феникс 104:112
Мајами – Кливленд 124:105
