Во салата Милениум на хотелот Холидеј Ин- Скопје вечерва во 19 часот ќе се одржи промоција на книгата „Имуни на реалноста” од д-р Трајко Славески, во организација на Матица македонска од Скопје.
Во своето најново дело познатиот универзитетски професор и научник објавува сто и шест текстови, поделени во четири тематски поглавја, во кои говори за широк круг на круцијални теми од областа на економијата и политиката.
За пораките на книгата на Трајко Славески ќе говорат проф. д-р Михаил Петкоски и писателот и публицист Блаже Минески.
