Единицата за економски и компјутерски криминал при Секторот за внатрешни работи Скопје до надлежното Основно јавно обвинителство во Скопје, поднесе кривична пријава против Б.А. (33) од Скопје поради основано сомнение дека сторил кривично дело “измама“ предвидено и казниво по чл.247 од КЗ на РСМ.
Станува збор за затвореник, кој на идентичен начин успеал да измами повеќе фирми, за кои полицијата во текот на 2017, 2018 и 2019 година му поднела кривични пријави. Претходно измникот од фирма во Вруток успеал да земе 109.000 денари.
Пријавениот кој што е осудено лице на издржување казна затвор во КПУ Идризово, искористувајќи го невниманието на вработените лица од службата за обезбедување и нивниот пропуштен должен надзор над неговото сомнително однесување како осудено лице, во просториите на КПУ Идризово на непознат начин успеал да обезбеди мобилен телефонски апарат и сим картица, активирана и регистрирана на негово име како сопственик.
Имено, на 23.05.2018 со остварени повеќе телефонски јавувања на различни телефонски броеви и користење на интернет, со лажно прикажување на факти и лажно претставувајќи со различно име како лице што наводно е овластено и одговорно во невладина организација и дека во име на невладината организација врши нарачка и набавка на трговска стока го довел и одржувал во заблуда одговорниот работник за продажба во правно лице од Прилеп.
Притоа успеал да издејствува да му биде испорачана нарачаната трговска стока која не ја платил, на кој начин му причинил материјална штета на правното лице во износ од 65.402 денари за кој износ се стекнал со противправна имотна корист.
