Светската ракометна федерација (ИХФ) одлучи меѓу организаторите на мундијалите во различни младински категории кои треба да бидат организирани во наредните години да се најде и Македонија, која конкурираше да биде домаќин за четирии настани во машка и женска конкуренција. Ракометната федерација на Македонија ја доби довербата да го организира Светското првенство за ракометарки до 20 години, во 2024 година.
Ракометарките од генерацијата родени во 2004 година и помлади ќе имаат шанса пред своите навивачи да остварат забележителен настап и тоа само две години откако Македонија ќе биде ко-домаќин на сениорско женско Еврпско првенство, заедно со Словенија и со Црна Гора.
Сениорското Светски првенства во 2025 година во машка конкуренција ќе го органзираат три земји: Хрватска, Данска и Норвешка, а во 2027 година домаќин ќе биде Германија. Во женска конкуренција во 2025 година довербата да го организраат завршниот турнир ја добија Германија и Холандија, а во 2027 година Унгарија.
