Обвинение за поседување пиштол и муниција без дозвола

Полициски службеници, при личен преглед на обвинетиот на 20 јануари, утврдиле дека тој во појасот од десната страна неовластено држел огнено оружје – пиштол марка „Црвена застава М70“ со калибар од 7,65 мм. Освен тоа, обвинетиот кај себе имал и една рамка со осум куршуми муниција за пиштолот. Надлежниот јавен обвинител до Основниот кривичен суд Скопје достави и предлог за продолжување на претходно определената мерка притвор за обвинетиот 28-годишник, со оглед на тоа што постои опасност од бегство и можност тој да го повтори кривичното дело.