– Кошаркарите на Голден Стејт ќе бидат домаќини на Бруклин пред празни трибини поради страв од ширење на коронавирусот, соопшти НБА екипата од Сан Франциско.
„Поради се поголема загриженост од ширење на коронавирусот, а по консултации со градските власти и округот, донесена е одлука мечот да се игра без присуство на публика”, стои во дописот на „Вориорси” кои се првите во НБА лигата кои се решија на таков потег.
Ваквата одлука на Голден Стејт дојде по забраната на Сан Франциско за собири со повеќе од 1.000 лица во наредните две недели. Директорот на Националниот Институт за алергии и заразани болести на САД претходно препорача сите натпревари да се играат во празни сали.
