Сафет Бишевац, пратеникот на листата на СДСМ избран ви 2011 година сега се најде на изборна листа на ВМРО-ДПМНЕ. За 24 инфо вели дека никогаш не бил пратеник на СДСМ туку бил независен пратеник избран на листа на СДСМ. Во периодот кога беше пратеник на листата на СДСМ велеше дека гласачите на ВМРО- ДПМНЕ не уклучуваат мозок, а сега истото го вели за гласачите на СДСМ.
На наше прашање како ја коментира изјавата на генералниот секретар на СДСМ Љупчо Николовски дека летоска барал да биде на нивна листа Бишевц вели дека е изненаден од Николовски.
– Тој и Кирацовски ми нудеа да работам во Центрот за комуникации на СДСМ, но не прифатив. Имав средба со Мицковски на кафе пред три месеци за состојбата во државава. Отидовме на прослава на Ден на бошњаците заедно и тогаш ме праша дали можам да помогнам во изградба на нормална европска држава. Така и почна соработката- вели Бишевац.
(В.А.)
