– Кипарското Министерство за здравство денеска соопшти дека во земјата се регистрирани четири нови позитивни случаи на коронавирусот, а вкупниот број лица заразени со Ковид-19 изнесува шест, јави дописничката на МИА од Атина.
Од четворицата, еден од вчера е веќе во болница, еден е во домашна изолација, а двајца пристигнале од Велика Британија, а на аеродромот во Ларнака, термичките камери регистрирале висока температура, по што веднаш биле хоспитализирани.
Единицата за епидемиолошки надзор на Министерството за здравство на Кипар започна со процедурата за пронаоѓање на контактите на четирите нови случаи.
На Кипар, првите два случаи на заразени со коронавирус беа регистрирани во понеделникот.
