Поради ширењето на заразата со коронавирусот Фудбалската федерација на Германија почна да размислува да ја прекине сезоната 2019/2020. Најавите се дека Бундеслигата ќе биде прекината по одигрувањето на колото викендов. Ваквата одлука може да значи и крај на сезоната без да биде прогласен шампион.
-Мораме да ги земеме во предвид сите можни сценарија. Треба да бидеме подготвени на фактот дека сезоната може да биде прекината или предвреме завршена. Целта ни е лигата да биде завршена на терените, ако има услови. Сепак, главниот збор ќе го имаат здравствените власти. Мораат да донесат јасни одлуки, изјави Фридрих Кертис, генералниот секретар на федерацијата.
