Пожар беснее на непристапен терен во атарот на селото Татар Елевци, кое се наоѓа над Дебар. Територијалната противпожарна едница и вработените од подружницата „Стогово“ на ЈП „Македонски шуми“ се на терен во гаснење на пожарот.
Зафатена е површина од повеќе хектари со нискостеблеста шума. Од Општината велат дека се прават напори за локализирање на пожарот, кој било тешко да се изгасне поради непристапниот терен.
