Во редовните основни училишта во земјава настава во 2018/2019 посетувале 186 679 ученици, што е намалување за 1.0 отсто во однос на претходната учебна година, објави денеска Државниот завод за статистика.
Според податоците на ДЗС, намалување од 1.2 процент минатата учебна година во споредба со предминатата имало и на бројот на ученици во редовните средни училишта во кои настава посетувале 70 025 средношколци.
Во објавата на ДЗС се содржани податоци за училишта, паралелки, ученици и наставници во основното и во средното образование според наставните јазици, успехот на учениците на крајот на 2018/2019, а покрај за редовните, податоци има и за специјалните и за верските училишта.
