На социјалните мрежи се раширија снимки од десетина воени камиони во Италија што ги превезуваат ковчезите во неколку крематориуми во северниот дел на најпогодената европска земја. Италија е најтешко погодената земја со заразата на коронавирусот по Кина. До денеска утрово во Италија починаа 2.978 луѓе. Голем дел од нив во Бергамо, градот во кој е снимен воениот конвој.
Поради општиот карантин во Италија погребите се спроведуваат без церемонија. Најтешко е во Ломбардија, на северот на Италија. Целата ситуација ја објасни ЦФБ, најголемата компанија за организација на погреби во регионот. Воените камиони биле повикани на помош за превоз на починатите во други градови бидејќи синоќа во крематориумот во Бергамо повеќе немало место.
Italian Army took the coffins out from Bergamo for cremation pic.twitter.com/6u2GM63FxL
— Amichai Stein (@AmichaiStein1) March 19, 2020
„Во нормален месец би имале 120 погреби. Сега цела генерација ни умре во две недели. Никогаш не сме виделе вакво нешто и ни се плаче поради тоа“, изјави Антонио Рикарди, претседателот на ЦФБ.
Во Бергамо вкупно има 80 погребни компании. Секоја од нив прима барем 12 повици на час.
Според податоците на Ројтерс, во светот вчера од коронавирусот биле заразени над 204.000 луѓе, додека бројот на умрени надмина 8.700.
Bergamo, via borgo palazzo.
Una carovana di mezzi militari per portare 70 vittime del #COVID19 da Bergamo presso i forni crematori di Mantova e Bologna.
Questo video è agghiacciante e ci fa capire quanto siamo nei guai. #coronavirusitalIa #bergamo pic.twitter.com/BsRYQKK5CJ— Il Fabbricante di Chiavi (@lochiediame) March 18, 2020
