Повеќе од 99 проценти од жртвите на коронавирусот во Италија се луѓе кои веќе имале некоја друга болест, покажа истражување на здравствените власти во земјата.
Новото истражување може да обезбеди увид во тоа зошто стапката на смртност во Италија, која изнесува околу осум проценти од вкупниот број на заразени, е повисока отколку во другите земји, пренесува Блумберг.
Експертите од институтот во Рим ги испитале медицинските досиеја на околу 18 проценти од жртвите на коронавирусот во Италија и откриле дека само три лица кои починале, или 0,8 проценти од вкупниот број починати, претходно немале друга болест.
Повеќе од 75 проценти имале висок крвен притисок, околу 35 отсто имале дијабетес, а третина имале некои срцеви заболувања.
Просечната возраст на починатите од вирусот во Италија е 79,5 години.
Во последните 24 часа во Италија се регистрирани нови 5.322 заразени со кoронавирусот, со што вкупниот број достигна 41.035 инфицирани луѓе. Вкупниот број на починати денеска изнесува 3.405, односно 427 повеќе од вчера. Во Италија од Ковид-19 оздравеле 4.440 лица
