Водечкиот експерт на Светската здравствена организација, Мајк Рајам, денеска изјави дека ќе биде потребно најмалку една година да се развие вакцина за коронавирусот.
Тој за Би-би-си, сепак кажа дека има добар напредок во развојот на лекови и оти се спроведуваат тестови.
Додаде дека е важно да им се овозможи на лекарите да развијат докази дека третманот е безбеден и дава резултати.
Исто така изјави дека државите не можат да го потиснат коронавирусот само со мерки за карантин на граѓаните, туку дека се потребни и мерки за јавно здравје со цел да се избегне враќање на вирусот.
