Крагуевчанецот С. В. (47) нападнал лекар и медицински персонал во карантин денеска во Крагуевац, бидејќи сакал да си оди дома за роденден. Тестовите подоцна покажале дека е заразен со коронавирус. Се претпоставува дека за време на инцидентот заразил дури пет лица.
Како што се дознава, С.В. денеска бил тестирано и се покажало дека е позитивен.
Како резултат на нападот врз медицинскиот персонал, тој инфицирал дури пет лица кои се ставени во изолација. Доколку ова сомнение се докаже како точно, односно дека С.В. ги инфицирал споменатите лица му се заканува затворска казна до 12 години.
И претседателот на Србија, Александар Вучиќ претходно коментираше за драматичниот настан.
– Имавме случај во Крагуевац, физички силен човек. Се пријавил во Легијата на странци, но не бил примен. Нападнал двајца медицински техничари- на едниот му ја скинал маската, а другиот физички го нападнал. Го совладале двајца војници. Што правиме сега ако откриеме дека е позитивен на тестот? Тој го направи тоа од карантин. Слушнав неверојатната причина дека го сторил тоа бидејќи утре му е роденден , рече Вучиќ.
