Изолацијата, воведена како мерка за ширење на епидемијата на коронавирус, предизвика зголемување од 20 проценти на бројот на случаи на семејно насилство во Црна Гора и не се исклучува можноста дека таа бројка ќе се зголемува во наредните недели.
Во март, Националната СОС линија за жртви на семејно насилство забележа пораст од 20 проценти во повиците, според координаторката за Никшиќ, Наташа Меѓедовиќ, јави РТЦГ.
Во последната седмица, линијата на СОС имала 69 повици, што е за околу 20 проценти повеќе од претходната недела.
– Оваа состојба негативно влијае на лицата со искуство на насилство и ја влошува нивната состојба, рече Меѓедовиќ, за Утринската програма на ТВЦГ.
Таа наведува дека новата статистика во време на домашна изолација не била изненадувачка.
