Денеска во Холандија како резултат на коронавирусот починаа 93 лица. Вкупниот број на починати достигна 639 лица, пришто се потврдени дополнително заразени уште 1.159 случаи.
Сепак, обете бројки укажуваат на помал пораст од претходниот ден, пренесува Ројтерс.
„Доколку продолжи оваа линија, ќе може да се заклучи за неколку дена дали мерките за социјална оддалеченост се ефикасни“, велат од холандскиот Национален институт за здравство.
Во Холандија, досега потврдени се вкупно 9.762 случаи на вирусот.
Бројот на починати од Ковид-19 во Швајцарија се зголеми на 235 лица, во споредба со 197 смртни случаи пријавени во петокот, соопшти Министерството за здравство на земјата.
Бројот на потврдени случаи на коронавирус во Швајцарија, истотака, се зголеми од 12.161 на 13.223, пренесува Ројтерс.
