Пандемијата со коронавирусот која го тресе целиот свет е главна тема. Застана социјалниот живот на луѓето. Економиите претрпуваат огромни финансиски штети. Како ќе се продолжи по завршувањето на оваа битка со „невидливит непријател“ тешко е да се прогнозира, а еден од истакнатите аргентински фудбалери Карлос Тевес за целокупната ситуација со кронавирусот има свое видување за целата оваа ситуација во која западна светот.
-Ова е катастрофа. Фудбалерите со години можат да живеат и без да добиваат плата, но што со другите луѓе… Жал ми е за луѓето кои стануваат во шест наутро, цел ден работат и се враќаат во девет навечер во своите домови и не заработуваат доволно за нормално да живеат. Ние фудбалерите може и да направиме нешто, а тие… вели Тевес.
Тевез во минатото честопати бил дел од хуманитарни акции, а сигурно и овојпат ќе се вклучи да им помогне на тие кои во моментов подадената рака им е најпотребна.
Искусниот 36-годишен напаѓач Тевес во својата кариерата има настапувано за Коринтијанс, Вест хем, Манчестер јунајтед, Манчестер сити, Јувентус, Шангај Шенсуа, а сега по третпат во кариерата се врати и настапува за својот матичен клуб Бока јуниорс.
