Во врска со предлогот на опозицијата за пренасочување на средствата од приватните пензиски фондови во државниот пензиски фонд, претседателот на комисијата за финансии на СДСМ Фатмир Битиќи при гостувањето во емисијата „Детектор”, на Сител, истакна дека инвестирањето на 515.000 граѓани во вториот пензиски столб е стекнато право, кое не може да се одземе.
ВМРО-ДПМНЕ дава предлог да се одземат 8-10 милијарди денари од граѓаните, без да се прашаат, но и во таков хипотетички случај некој ќе треба да ги компензира тие средства во иднина, нагласи Битиќи и запраша дали ВМРО-ДПМНЕ може да потпише дека ќе им ги врати парите на граѓаните од вториот пензиски фонд.
Битиќи додаде дека спроведување на реформи во пензискиот систем во време на криза е многу проблематично.
