Од утре следува период на стабилно и претежно сончево и сè потопло време. До четврток утринските температури на некои места ќе бидат неколку степени под нулата, а потоа постепено ќе се зголемуваат, соопшти Управата за хидрометеоролошки работи.
Времето утре во нашата држава ќе биде наутро студено, а преку денот сончево со слаб до умерен североисточен ветер кој краткотрајно ќе засилува.
Утринската температура ќе се движи од минус 4 до 5, а дневната од 8 до 20 степени.
Во Скопје, слично време, наутро студено, а преку денот сончево со ветер од североисточен правец. Утринската температура ќе спушти до нула, а дневната ќе се искачи до 18 степени.
Од четврток дневните температури во повеќе населени места ќе бидат над 20 степени.
