Сојузот на пчеларските здруженија денес, а по повод 7 Април, Денот на здравјето, организира хуманитарна акција во десетина градови во земјата. Пчеларското здружение „Нектар“ од Битола донира мед и растворен прополис во Клиничката болница во Битола, а донацијата е наменета за лицата што во овој момент на здравствена криза се на првата борбена линија, а тоа се медицинските лица.
„Не застануваме тука, досега сме донирале и во иднина ќе продолжиме да донираме“, најавуваат пчеларите.
