Германското државно обвинителство привело исламистичка група која наводно планирала терористички напади во Германија.
Германски „Шпигел“ пренесува дека полицијата уапсила четворица членови во регионот Рајна-Вестфалија на различни локации. Петтиот член, 30-годишниот Равсан Б., од порано бил во затвор поради нелегално поседување оружје.
Инспекторите се убедени дека групата припаѓала на ќелијата на ИСИЛ и сите пет члена се од Таџикистан. Тие, наводно, се приклучиле на ИСИЛ во јануари 2019 година и биле во контакт со високи членови на таа терористичка организација во Сирија, како и со други ограноци на милитантната група.
Уапсената група првично планирала да се врати во матичната земја за да се бори против тамошната таџикистанска влада, но им било наредено да останат во Германија и да планираат терористички напади во срцето на Европа.
