Во Австралија рестриктивните мерки за спречување на ширењето на коронавирусот ќе останат во сила уште најмалку четири недели, објави премиерот Скот Морисон.
Тој рече дека Австралија ќе го прошири тестирањето во мај, ќе го подобри својот капацитет за набљудување на заразените лица и ќе планира одговор на секоја понатамошна локална трансмисија, пренесува „Ројтерс“.
Морисон рече дека очекува овие три чекори да бидат завршени за четири недели и дека Австралија потоа ќе размисли за олеснување на ограничувањата што вклучуваат ограничување на движењето на граѓаните и затворање на училишта, ресторани и пабови.
