Филипче: Не бевме известени дека членовите на кризниот штаб се тестирани, поинаку ќе се организиравме

Минстерот за здраство Венко Филипче кажа дека при вчерашната посета на Кризниот штаб во Куманово не знаеле дека на членовите им биле земени брисеви и дека се очекуваат резулатите  за коронавирус. Филипче од денес е во домашна самоизолација, по информацијата дека градоначалникот на Куманово, Максим Димитриевски кој вчера одржа состанок на кризниот штаб на Куманово на кој присуствуваше и Филипче, е позитивен на КОВИД-19.

„Ние не знавеме за тоа, да знаевме, поинаку ќе се организиравме. Не знам зошто не бевме известени, одговорот треба да го барате таму. Но, секако сме бевме спремни за ваква ситуација, имаше вакви ситуации во светот и сакам да уверам дека сите институции беспрекорно ќе функционираат“, кажа министерот на онлајн прес-конференцијата.

Во самоизолација се Оливер Спасовски, Бујар Османи и министерот за образование Арбер Адеми.