Власта на СДСМ нема капацитет да им помогне на граѓаните. Заев и Филипче ја загубија довербата, вели во соопштенија опозициската ВМРО ДПМНЕ.
Општинските штабови веќе не му веруваат на републичкиот кризен штаб, а цели градови се во паника и со човечки животи ја плаќаат суетата на Заев и соработниците.
Куманово и Прилеп станаа жаришта на заразата од Ковид-19, а власта не презема соодветни мерки за да се соречи заразата. Министерството за здравство доцни со обезбедување на заштитна опрема за здравствените работници кои со голи раце се справуваат со коронавирусот. Се доцни со спроведување на мерките во борбата против коронавирусот.
Министерот Филипче секој ден позира пред камерите, а не знаел дека целиот кризниот штаб на Куманово ги исполнил условите и бил тестиран од Ковид-19. Ваквото неодговорно однесување ја загрозува безбедноста и ги плаши граѓаните кои гледаат дека зад настапите на Филипче наместо работа и суштина, има само импровизација.
Политичките борби и пресметки, ги направија Прилеп и Куманово жаришта на корона вирусот.
Наместо владата на СДСМ да прогласи кризна состојба во овие два града и со конкретни мерки да спасува илјадници граѓани кои во моментов се исплашени од здравствената и економската криза – која ги зафати без нивна вина, тие делат сомнителна хуманитарна помош. Хуманитарна помош која што е еднократна, криминална и која нема воопшто да помогне во справување со ова зло.
СДСМ да престане да ги поткупува македонските граѓани кои едвај преживуваат овие денови – денови на коронавирусот. Наместо да им нудат чист популизам, подобро е да им овозможат подобра здравствена заштита и реална економска помош. СДСМ остави 140,000 работници на улица и сега со ситен поткуп сака да им ги замачка очите на граѓаните. Срамно е што Зоран Заев и СДСМ и во ваква здравствена криза, криза од светски размери, води политичка кампања и сака да профитира од сето тоа.
