Европскиот и светски клупски фудбалски шампион Ливерпул има дополнителни проблеми, покрај кризата со коронавирус. Четворица негови фудбалери се на крстопат и мора да се разговара со нив за нивната иднина и евентуално да ги обноват договорите.
За некои, заканата е незначителна, но се чини дека барем еден од нив е пред заминување.
Садио Мане – Сенегалецот изгледа безбеден и без проблеми. И покрај огромната желба на многу екипи да го привлечат, тој има стабилен договор до 2023 година и Ливерпул нема да биде принуден да го продаде. Шпекулациите велат дека тој е во конфликт со тренерот Јирген Клоп поради неговата поддршка за Мохамед Салах по една расправија меѓу двајцата напаѓачи.
Жоржино Вајналдум – Холанѓанецот се очекува да добие предлог за договор веднаш штом се смири епидемијата и работите се вратат во нормала. Неговиот тековен договор е до 2021 година, но за него веќе има многу кандидати.
Дејан Ловрен – неговиот договор е исто така до 2021 година и, иако не игра толку важна улога во тимот до Мерсисајд како двајцата погоре, се очекува и тој да добие предлог за нов договор (уште поверојатно поради пандемијата), иако не толку долгорочен.
Адам Лалана – не само што од четворицата најверојатно да замине, туку е речиси сигурно. Неговиот договор истекува ова лето, а од јануари годинава тој има право да преговара со други клубови. Со оглед на тоа дека тој не добива многу шанси да се истакне на теренот – тој веројатно ќе ја побара својата среќа на друго место.
