Максим Димитриевски заработи прекршочна пријава

Кумановскиот градоначалник, Максим Димитриевски, освен прекршочно, по пропустите кои ги најде Државниот санитарен и здравствен инспекторат, ќе се гони и кривично според член 206 од Кривичниот законик.

 

-Кривична пријава? Класична злоупотреба на инструментите на власта. Легитимна постапка со независни и непристрасни професионалци ќе ја покаже вистината. Навикнат сум на борба. И понатаму со ист интензитет заедно со истомислениците ќе продолжам да се борам. Во минатото се борев против режим. Дали е на повидок нешто слично? Мојот приоритет во овие моменти е борба против епидемијата и здравјето на граѓаните. Правдата и вистината секогаш победува!, објави на Фејсбук Димитриевски.

 

Од Министерството за внатрешни работи за Фокус потврдија дека поднесена е кривична пријава по член 206, но други детали не соопштија. Според овој член на Димитриевски му се заканува парична казна или затвор од една година.