Во Русија во последните 24 часа регистрирани се 5.841 нов случај на коронавирус, што е најмногу за еден ден, а со што вкупниот број на заразени се зголеми на 99.399.
Регистрирани се уште 108 починати, а епидемијата досега однесе 972 живота, пренесува агенцијата „Тасс“.
Повеќе од 10.000 луѓе се опоравиле.
Според податоците од надлежните служби, скоро 45 проценти од новозаразените немаат никакви симптоми.
Претседателот Владимир Путин во вторникот имаше телевизиско обраќање до јавноста, посочувајќи дека карантинските мерки против коронавирусот ќе бидат на сила и во наредните две недели.
Тој предупреди дека врвот на епидемијата допрва претстои.
