Кетрин Шварценегер, ќерка на славниот Арнолд Шварценегер, и нејзиниот сопруг, актерот Крис Прат, го очекуваат своето прво дете, пренесува „Пипл“.
Веста ја потврдуваат и фотографиите направени од папараците додека Кетрин се шета со мајка ѝ Марија. На фотографиите се наѕира трудничкото стомаче на ќерката на славниот „Терминатор“.
На ќерката на Шварценегер тоа ќе ѝ биде прво дете, а Прат од бракот со колешката Ана Фарис има седумгодишен син, Џек.
Арнолд Шварценегер неодамна изјави дека е задоволен од зетот и многу се радува на внуците што ќе ги има, но не сака да ја брза својата ќерка.
„Не ги брзам бидејќи знам дека ќе се случи еден ден. Сè е на неа и на Крис, тие ќе проценат кога е време да имаат деца“, рече 72-годишниот актер.
