Совозач загинал, а двајца возачи се тешко повредени во судир на три автомобили, вчера кај Зајас, информираше МВР.
На 29.04.2020 во 07.40 часот било пријавено дека на магистралниот пат Кичево-Гостивар, на влезот во село Зајас, се случила сообраќајна незгода помеѓу автомобил „фолксваген голф“, управуван од Ш.А.(22) од село Србица, автомобил „сеат алхамбра“, управуван од С.С.(63) од Кичево, како и автомобил „форд ескорт“, што го управувал А.Ј.(23) од село Горно Строгомиште.
На самото место на несреќата загинал А.Ј.(54) од Г.Строгомиште, сопатник во „фордот“, а А.Ј. и С.С., биле повредени и пренесени во Медицинскиот центар Кичево за укажување на лекарска помош.
Извршен бил увид на местото на настанот од увидна екипа од Полициската станица Кичево, во присуство на Јавен обвинител.
