Министерот за здравство, Венко Филипче упати благодарност преку социјалните мрежи до здравствените работници.
„Денес, на Ден на трудот, упатувам посебна благодарност и признание до сите здравствени работници. Тие неуморно се борат за зачувување на јавното здравје. Големо благодарам и до сите вас кои денес и целиот овој вонреден период сте се на своите работни места“, напиша министерот Филипче.
Тој до сите граѓани апелира да ги почитуваат мерките за заштита, да носат лична заштита за уста и нос, да држат дистанца, и да го почитуваат ограничувањето на движењето.
„Заштитете се себе и сите оние кои неуморно работат во служба на нашето општество. Заедно ќе надминеме“, порача министерот Филипче.
